Movies watched in Feb-2022 (quick reviews)

આ સર્વ ફિલ્મો ફેબ્રુઆરી-૨૦૨૨માં જોઈ હતી. જે ફિલ્મો સારી લાગી તેને નીચે ઉતરતા ક્રમમાં મૂકી છે.

Ready player one

The intern

The judge

Don't look up

Neighbors

Tinder swindler

Central intelligence

Game night

Bad teacher

The founder

Loot case

Minnal murali

Minaxi Sundareshwar

Zodiac

36 farmhouse

The royal treatment

Savages

Pagleit

Mard ko Dard nahi hota

Loop lapeita

Through my window

The girl next door

Crazy rich Asians

Texas chainsaw massacre

Ready player one (૨૦૧૮): વિશ્વના શ્રેષ્ઠ નિર્દેશકે વિડીયોગેમ વિષે ફિલ્મ બનાવી. દુનિયાનું ભવિષ્ય મેટાવર્સ છે. એ બાબત લગભગ સાચી પડવા જઈ રહી છે. તેની વાસ્તવિકતા કેટલી ગંભીર છે, તેના વિષે એક રમત મૂકવામાં આવે છે. જે જીતે તેના હાથમાં મેટાવર્સનું સંપૂર્ણ સંતુલન આવી જાય અર્થાત સમગ્ર દુનિયા તેના કાબુમાં! આ રમત જીતવા નાસા જેવી સંસ્થા પાછળ પડી જાય છે પણ સફળતા એમ હાથ નથી આવતી. બોનસ: ફિલ્મમાં જૂની ઘણી ફિલ્મોનો સંદર્ભ મૂકવામાં આવ્યો છે, કિંગકોંગ, લોર્ડ ઓફ ધી રિંગ્સ ટુ ટાવર, ધ સાઇનિંગ અને સુપરમેન. એમાં પણ સાઇનિંગ મૂવીનું જે આબેહૂબ દ્રશ્ય મૂક્યું છે, તે વિસ્મયકારક છે. ખાસ તો લીફ્ટમાંથી નીકળતો લહુપ્રલયવાળો સીન. ક્યાં બાત હે! નિપુણ નિર્દેશનનું ઉત્તમ ઉદાહરણ. સ્ટીવન સ્પીલબર્ગે આ ફિલ્મ નિર્મિત કરી છે, તેમણે આ ફિલ્મમાં બ્રિટિશ નિર્દેશક ક્રિસ્ટોફર નોલન અને ડી.સી. કોમિક્સની ખરી મશ્કરી કરી છે. ડી.સી. કોમિક્સના પ્રખ્યાત પાત્ર સુપરમેનને આ ફિલ્મમાં મેદસ્વી અને ખલનાયકના સ્વરૂપે દર્શાવ્યો છે. બીજું, વિલનનું નામ પણ નોલન રાખ્યું છે. ક્રિસ્ટોફર નોલન ટોપના ડિરેક્ટર છે. તેમની ઠેકડી ઉડાડવા કર્યું હોય એવું લાગે છે.

જો તમારી પાસે વિશાળ ટીવી સ્ક્રીન હોય અથવા ૩D સ્ક્રીન હોય તો આ ફિલ્મ જોવાની વધુ મજા આવશે.

હું આ ફિલ્મને ૮ સ્ટાર આપું છું.

The intern (૨૦૧૫): રોબર્ટ દેનીરો અને એન હાથવે ફિલ્મમાં મુખ્ય પાત્રો ભજવી રહ્યા છે. જુલ્સ(એન હાથવે) ઓનલાઈન બિઝનેસ સ્ટાર્ટપની ફાઉન્ડર-CEO છે. તેની ઓફિસમાં કામ કરતાં કર્મચારીઓ અવનવું કઈક પ્રયોગ કરતાં રહેતા હોય છે. તેવો જ એક પ્રયોગ નિવૃત્ત થયેલા લોકોને ઈંટર્ન તરીકે કામે રાખવાનો કરવામાં આવે છે. બેન વ્હીટેકર(રોબર્ટ દે નીરો)ની નિમણૂક આ હોદ્દા માટે પસંદ કરવામાં આવે છે. શરૂઆતમાં જુલ્સ બેનની મદદ ટાળતી રહે છે. આગળ જતાં પરિસ્થિતી બદલાય છે. તેમના કાર્યક્ષેત્રમાં કેવા રસપ્રદ બનાવ બને છે. તેના પર આ ફિલ્મ બની છે. રોબર્ટ દેનીરોનું પાત્ર અને અભિનય પરિપક્વ અને હોંશિયાર દર્શાવ્યું છે. તેના ચહેરા એક માસુમિયત જોવા મળે છે. જે તેની ગેંગસ્ટર મુવીમાં હોતી નથી. આ બાબત ખરેખર ટેલેન્ટ છે. શીખવાની રીતે જોશો તો આ ફિલ્મમાંથી ઘણું મેળવી શકાય એમ છે. બાકી, મનોરંજન તો સારું એવું છે જ ફિલ્મમાં.

હું આ ફિલ્મને ૮ સ્ટાર આપું છું.

The judge (૨૦૨૧): રોબર્ટ ડાઉની જુનિયરને મેં આવા ગુસ્સાવાળા પાત્રમાં પહેલીવાર જોયો છે. એક જજ પર ખૂનનો આરોપ લાગે છે, તેના પર કાર્યવાહી કરવામાં આવે છે. જજનો કેસ રોબર્ટ લડે છે. કારણ આરોપી તેનો પિતા હોય છે. ફેમિલી-કોર્ટ ડ્રામાથી ભરપૂર આ ફિલ્મ જોરદાર છે. ફિલ્મનો અંત કરૂણ છે. સારા મૂલ્યો અને ગુસ્સાનું ભેગું સમન્વય એટલે ધ જજ.

હું આ ફિલ્મને ૭.૫ સ્ટાર આપું છું.

Don't look up (૨૦૨૨): જો શનિ-રવિની રજાઓમાં મિત્રો-પરિવાર સાથે કઈ સારું મનોરંજક જોવા માંગતા હોવ તો આ ફિલ્મ શ્રેષ્ઠ રહેશે. ખાસ તો અરિયાના ગ્રાન્દેના કારણે જ મેં આ ફિલ્મ જોવાનું પસંદ કર્યું હતું પણ જેનિફર લોરેન્સ ખૂબ જ સરસ લાગે છે ફિલ્મમાં અને તેનું પાત્ર પણ સારું છે. ફિલ્મમાં તે એકદમ સાદી દેખાઈ છે. કોઈ ઝાઝો મેકઅપ કે એવા ભભકાદાર કપડાં નથી પહેરાયા છતાં, તે આકર્ષક દેખાઈ આવે છે. એકથી એક ચઢિયાતાં અને રમૂજી પાત્ર છે આ ફિલ્મમાં. ફિલ્મનો નાયક લીઓનારડો ડી કાપરિયો છે. દર વખતે લીયોને ફિલ્મમાં બરાડા પડાવાનું બંધ કરો. હવે ઇરિટેટ થાય છે, બિનજરૂરી લાગે છે. ખાલી બૂમો પાડવી અભિનય નથી. લિયોનારડો ડી કાપરિયોમાં એનાથી પણ વધારે કરવાની ક્ષમતા છે. જો આ ફિલ્મમાં તે ખલનાયકની ભૂમિકામાં હોત તો ફિલ્મ કઈક અલગ લેવલ પર પહોંચી ગઈ હોત (કદાચ ઓસ્કાર સુધી) અને વધુ રસપ્રદ લાગી શકી હોત.

હું આ ફિલ્મને ૭ સ્ટાર આપું છું.

Neighbors (૨૦૧૮): અમેરિકન કોમેડી અડલ્ટ ફિલ્મ છે. કોલેજના જુવાનિયાઓ અને પરણિત કપલ એકબીજાના પાડોશી બને છે અને એકમેકની જીવનશૈલી સાથે એકજસ્ટ થવામાં મુશ્કેલી અનુભવે છે. જેના કારણે તેમનું મૈત્રીવર્તન બદલાય છે. તેઓ એકમેકનું જીવન તકલીફોથી ભરી નાખે છે. આ ફિલ્મ જોયા બાદ ‘અમેરિકન પાઇ બીટા હાઉસ’ ફિલ્મ યાદ આવી જશે.